Македонски доктор кој е модна икона во Бугарија направи гламурозна крштевка за децата: „Славевме во ексклузивен ресторан со познати гости“

Детали

вторник, 26 септември 2023

„Гости беа многу познати личности од Бугарија. Дрес кодот беше бело, па освен што гостите беа облечени во бело, така беше украсен и ресторанот, со многу цвеќиња и балони, а и тортата беше бела и елегантна, на три ката“, вели за CRNOBELO.com македонскиот доктор Панче Димитриев, кој живее и работи во Бугарија и важи за вистинска модна икона.

Македонскиот доктор Панче Димитриев (41) живее и работи како хирург специјалист по ортопедија и трауматологија во Пловдив, Бугарија.

Тој неодамна откри дека станал татко на близнаци, Атина и Филип, а сега им направи крштевка во еден од најпознатите ресторани во Пловдив.

Крштевката беше синоним за луксуз и гламур. Доктор Димитриев, кој е познат по својот моден стил и го сметаат за трендсетер и модна икона во Бугарија, на крштевката беше облечен во модерен бел костум, без кошула, во комбинација со светкави чевли.

Во разговор за CRNOBELO.com, тој откри неколку детали за крштевката на своите ќерка и син:

„Правев крштевка, а потоа и забава за крштевањето на близнаците Атина и Филип. Тие се родени во мај 2023 и се прекрасни бебиња.

Самата забава беше во ресторан во центарот на Пловдив, во ресторанот 'Атлас' кој е уреден во стилот на светските метрополи Рим, Париз.

Гости беа многу познати личности од Бугарија.

Имавме и дрес код – бело. Па освен што гостите беа облечени во бело, така беше украсен и ресторанот, со многу бели цвеќиња, со бели балони, а и тортата за близнаците беше бела и елегантна, на три ката“.

Познатиот хирург средно образование завршил во Штип, а од 25 години почнал да специјализира ортопедија и трауматологија во Бугарија и се преселил во Пловдив каде што денес живее и работи.

Неговите модни комбинации се и повеќе од впечатливи, што направи на Инстаграм да го следат преку 337.000 луѓе.

Тој сака да ужива во луксуз, патувања, брендирани модни парчиња, па често споделува детали од својот живот на социјалните мрежи.

Повеќе фотографии од крштевката на следната страница...