Бил роден во 6-иот месец од бременоста, останал слеп заради лекарска грешка – Интересни детали за Саша Матиќ
- Детали
- петок, 14 април 2023
Бил предвреме роден, а во болницата била направена грешка заради која останал слеп. Но, хендикепот не го спречил да ги оствари своите соништа. Денес е еден од најпознатите српски фолк пејачи, а има семејство и две прекрасни ќерки – помалку познати детали за Саша Матиќ.
Саша Матиќ е еден од најпознатите српски фолк пејачи, кој важи за доста популарен и кај нас во Мaкедонија.
Тој е музичар кој не дозволил хендикепот да го спречи да ги оствари сопствените соништа, а досега снимил повеќе дуети со некои од најпознатите балкански пејачки.
На приватен план, тој е оженет со убавата Анѓа Матиќ со која има две ќерки Александра и Тара, но тие се држат подалеку од очите на јавноста и публиката ретко има можност да види дека тие се вистински убавици.
За себе вели дека е мошне дисциплиниран кога станува збор за спортските активности и исхраната. Тој се труди да живее здраво, а кога е во Белград секое утро вежба.
За неговата животна приказна честопати се шпекулира, и иако многумина мислат дека тој и брат му Дејан се родени слепи, сепак вистината е дека слепилото настапило како последица на лекарска грешка.
Саша и Дејан се близнаци кои се родиле во 6-иот месец од бременоста. Во тој период семејството на Саша и Дејан живеело во малото место Дрвар во БиХ, а мајка им се породила во Бихаќ.
Но, откако децата биле родени премногу рано, тие двајца биле префрлени во Загреб во инкубатори.
Само неколку дена откако се родиле, дошло до одредени проблеми со бебињата и двајцата останале слепи.
Иако никој не знае што точно се случило, пејачите претпоставуваат дека најверојатно станувало збор за лекарска грешка.
„Тоа е невнимание. Сега кој е виновен... Никогаш не сум се распрашувал кој згрешил. Дали згрешил лекарот или медицинската сестра, не знам. Тоа било предвремено породување. Но, сигурен сум дека било вклучено невнимание“ – рече во една прилика Дејан.
Сепак и покрај хендикепот близнаците имале мошне нормално детство и не дозволиле тоа да ги спречи да си ги оставрат соништата.
Уште кога имале 3 години, близнаците покажале дека имаат талент за музика. Нивниот татко купил хармоника за Саша, па тие заедно со Дејан поминувале со часови во музика.
Во 1985-та година, односно кога децата имале 5 години, семејството се преселило во Белград, со цел да им овозможат на Саша и Дејан да имаат подобра иднина.
Саша завршил нижо и средно музичко училиште на отсекот за пијано.
Иако сите се обидувале да го натераат да продолжи да се занимава со класична музика Саша останал истраен во тоа да се занимава со фолк музика.
Семејствата на Саша и на Аца Лукас биле мошне блиски, па така Аца му овозможил на Саша да гостува на еден негов концерт, каде го привлекол вниманието на публиката, а во 1997-ма година настапил во емисијата „A, što ne bi moglo“ по што започнува неговата кариера.
Б. С. Б. | Црнобело
Би можело да ве интересира:
Препорачуваме
Најчитани неделава
