Баба Милоратка (86) по холивудската трансформација: „Кога би ме видел покојниот маж би се зачудил колку сум згодна“ (видео)
- Детали
- среда, 12 мај 2021
„Да ме види покојниот сопруг би рекол 'Боже што си згодна, уште да најдеш некој чичко' - вели во новите видеа баба Милоратка, која стана Инстаграм хит откако нејзиниот внук, стилистот Александар Драмиќанин, неодамна ја објави трансформацијата со шминка и фризура која ја претвори во холивудска дива.
Баба Милоратка стана вистински Инстаграм хит и го освои Балканот во текот на минатиот месец кога нејзиниот внук Александар Драмиќанин ги објави фотографиите од трансформацијата на неговиот профил.
Тој ја нашминкал неговата баба Милоратка (86), ѝ ја средил фризурата и со помош на нова облека покажа дека и таа може да изгледа како филмска дива. Објавата на уметникот стана вистински хит на социјалните мрежи, а за него почнаа да зборуваат и оние што досега воопшто и не знаеле за неговата работа.
Александар сега повторно ја објави својата баба, во две нови видеа до кои напиша: „Ја обожавам.“
Во првото видео, баба Милоратка скромно се заблагодарува за популарноста што ја стекнала со трансформацијата.
„Што да кажам, ви благодарам на сите и што ќе сум ви јас. Ти благодарам тебе најмногу што го направи тоа. Никој друг не го направи тоа, освен ти“ – вели таа во првото видео.
На второто видео ја гледаме баба Милоратка како се фотографира во фустанот што српските медиуми објавија дека е ист како оној што го носела Анастасија Ражнатовиќ во нејзиниот спот за песната „Волим те“.
Александар ја потпрашува баба Милоратка што би ѝ рекол Стеван, нејзиниот покоен сопруг, кога би ја видел, а таа одговара:
„Па ништо, би рекол 'Боже што си згодна, уште да најдеш некој чичко'. Многу сум убава“ – вели таа.
Како што појаснуваше Александар кога ја направи трансформацијата, тој минатата година за време на карантинот за првпат одлучил да ја дотера баба му, а сега повторно го повториле просецот.
„Баба ми, како и поголемиот број жени што живеат на село, не се шминка, не ја бои косата и носи марама. Но, тоа е жена што плени со внатрешна и надворешна убавина и така дојдов до идеја да ја средам“ - откри тогаш Александар за срспките медиуми.
Мора да признаеме дека со најновите видеа можевме да видиме дека овие трдења на Александар навистина се точни и дека баба Милоратка навистина плени со внатрешната убавина и со скромноста, но и со смислата за хумор.
Прочитајте повеќе: Баба Милоратка (86) од Србија е Инстаграм хит со драстичната трансформација - шминката и фризурата прават чуда
Б. С. Б. | Црнобело
Би можело да ве интересира:
Препорачуваме
Најчитани неделава
