„Твоја слика не смеам да објавам, ама графит не е забрането“ - Северина за роденденот на синот објави заеднички мурал од Белград
- Детали
- понеделник, 22 февруари 2021
„Твоја слика привремено не смеам да објавам, но графит кој стои во Белград, уште не ми е забранет. Среќен роденден чудо мое“ – Северина го честиташе роденденот на синот со фотка од мурал со порака – „Ти и јас за 88 часа? Можеме чуда!“, а во позадина свири песна од Балашевиќ.
Северина минува низ голгота во последните години откако го изгуби старателството над синот Александар, а таа неколкупати допре до срцата на јавноста со емотивните објави, откако соопшти дека со синот добила само 88 часа месечно.
Инспирирано од нејзината изјава, „По 7 ипол години, сега ми даваат да те гледам 88 часа месечно. Но, знаеш ли што сè можеме, ти и јас за тие 88 часа? Можеме чуда“, во мај 2020-та на ѕид во Белград осамна мурал од неа и нејзиниот син, токму со таа порака.
фото: Black Sails
фото: Black Sails
По повод роденденот на нејзиниот син на 20-ти февруари годинава, со оглед на тоа што од судот ѝ е забрането да објавува фотографии од него, пејачката го објави муралот, а во позадина се слуша Uspavanka za dečaka од Ѓорѓе Балашевиќ и напиша:
„Кога се роди, паѓаше снег во Сплит. Кога се роди ти, се родив и јас. Твоја фотографија привремено не смеам да објавувам, но графит кој стои на куќа во Белград, уште не ми е забранет. Им благодарам на добрите луѓе кои ми го пратија графитот и му благодарам на авторот. Среќен роденден чудо мое!“
М. М. | Црнобело
Би можело да ве интересира:
Препорачуваме
Најчитани неделава
