Моќна објава, по драмата со ‘исчезнатото’ српско семејство во Грција: „Ние сме им деца на родителите цел живот – јавувајте им се!“

Детали

четврток, 10 август 2023

„Едни го осудуваат неодговорното семејство со две деца, други ги осудуваат родителите поради непотребното дигање на паника. Но, јас ќе кажам колку години и да има човек, додека има живи родители, за нив секогаш ќе биде дете. Целата оваа ситуација ме потсети на мојот однос со покојните родители...“, ја започнува моќната објава Радмило Белиќ од Белград.

Радмило Белиќ од Белград во Фејсбук групата „Грчка инфо“ објави моќен статус на тема родители и деца, по драмата кога семејство од Србија ги загрижило родителите бидејќи не им се јавиле дека стигнале безбедно на одмор во Грција и по нив се крена цела потрага.

Тие безбедно стигнале на Тасос, но наводно поради проблем со телефонот не успеале да јават дома дека стигнале.

Bračni par nestao u Grčkoj! pic.twitter.com/DK9uQ2HiN5

— Silvana (@Silvana71376830) August 8, 2023

Моќната објава на Радмило:

„По повод драмата со семејството од Јагодина со среќен крај сакам да го изнесам моето мислење.

Реакциите на социјалните мрежи се секакви. Едни го осудуваат неодговорното семејство со две деца, други ги осудуваат родителите поради непотребното дигање на паника.

Во секој случај што и да мислат, фала му на Бог што сѐ се заврши добро. Јас не осудувам никого.

Никој од нас не го знае точниот сплет околности за тоа како и што се случило.

Тоа што можам да го споделам со вас е важноста на здравото семејство. Посебно на односот на родителите и децата.

Колку години и да има човек, додека има живи родители, за нив секогаш ќе биде дете. Така отсекогаш било и така секогаш ќе биде.

Некој мудро напишал, кога ти оди првиот родител, го имаш вториот. Кога ти оди вториот родител, тогаш стануваш сираче и те чека најтешкиот дел од растењето, без обѕир на тоа колку години имаш.

Целата оваа ситуација ме потсети на мојот однос со покојните родители.

Кога умре мајка ми пред 17 години, ми остана татко ми. Живеев на релација Белград – Солун – Атина и често патував. Секогаш имав точен ритуал кога ќе му се јавам на татко ми.

Штом ќе влезев во Грција, веднаш застанував на паркинг и му вртев да му кажам дека сум влегол во Грција и дека ќе му се јавам кога ќе стигнам во станот во Солун.

Никогаш не ме притискаше да му ѕвонам, но знаев дека се грижи.

Кога почина пред 7 години и кога завршив со погребот во Белград и тргнав за Грција, по навика по влегувањето во земјата, паркирав и го извадив телефонот да му се јавам да не се грижи.

Тогаш се стресов и сфатив дека повеќе него го нема и сега ме гледа од некое друго место. Затоа совет до сите кои имаат родители е да не им биде тешко да го направат тој повик, затоа што колку и тоа да ве заморува и нервира, еден ден тие ќе ви недостигаат“.

Прочитајте и Цел Балкан ги бара, а тие не се јавиле зошто им се скршил екранот на телефон - Сите детали за српското семејство што исчезна во Грција

С. С. |  Црнобело/ фото: depositphotos.com