„Те сака тато“ - Тарик Филиповиќ му честиташе 20-ти роденден на посинокот, од првиот брак на неговата сопруга
- Детали
- четврток, 29 јуни 2023
Кога има вистинска љубов, тогаш крвната врска и не е важна... Тарик Филиповиќ, некогашниот водител на „Кој сака да биде милионер“ буквално му е како вистински татко на својот посинок Дино. Тој емотивно му честиташе роденден со фотографиите направени за време на семејното патување во Истанбул.
Тарик Филиповиќ е босанско-хрватски актер и ТВ презентер, кој на нашата јавност ѝ е најпознат како водител на хрватската верзија на квизот „Кој сака да биде милионер“.
Тој се ожени со прекрасната Лејла Филиповиќ во 2007 година, а како свој го прифати нејзиниот син од првиот брак, Дино.
Подоцна, парот го доби и заедничкиот син Арман (15).
На крајот од 2022 година Тарик и Лејла прославија 15 години брак, а тогаш Тарик објави:
„Си рековме да пред да дојде (тогаш) новата 2008 година.
Реков „да“ и помислив ја земам и во добро и во зло и во среќа и во тага и во солзи и во смеа и така првите 15 минаа само со добро, среќа, многу смеа, па што друго да посакам во следните 50?“
Дека Тарик му е буквално како вистински татко на својот посинок Дино доказ е и роденденската честитка која му ја посвети на Инстаграм по повод неговиот 20-ти роденден.
„Среќен 20-ти роденден на моето големо момче и некоја секоја наредна година ти биде сè поубава, поисполнета и позабавна.
Нека желбите ти се исполнуваат една по друга и не грижи се светот на возрасните не е така страшен и сериозен. Те сака тато!“
Инаку, семејството е заедно на патување во Истанбул, од каде и ги објавија роденденските фотографии на Дино.
Повеќе фотографии од Тарик со сопругата:
Прочитајте и Сопругата на Тарик Филиповиќ во петтата деценија изгледа како 20-годишна девојка (фото)
С. С. | Црнобело
Би можело да ве интересира:
Препорачуваме
Најчитани неделава
