Беше во врска со колешка, го крие љубовниот живот од јавноста – Факти за згодниот турски актер, Енгин Озтурк

Нивната врска завршила затоа што актерката била љубомрна на хемијата што тој ја имал за време со колешката Бура Гилсој и откако тој бил забележан во ноќен клуб со повеќе други девојки.

Во 2016-та кружеа гласини дека Енгин е во врска со најдобрата другарка на Турку Туран, а откако таа авантура брзо заврши, турските таблоиди пишуваа дека тој е во врска со Идил Фират, ќерката на менаџерот на фудбалскиот клуб „Фенербахче“.

Се сметаше дека Енгин и Идил ќе стапат во брак, но по само 8 месеци и оваа врска заврши. Наводно таткото на Идил не ја одобрувал нивната врска.

Во 2017-та година актерот доживеа голема трагедија кога неговата сестра Берин Озтурк почина на 43-годишна возраст од срцев удар. Фотографиите од погребот на кои Озгин беше скршен од болка беа објавени во сите турски медиуми.

Од 2018-та година Енгин ќе почне да се појавува во повеќе турски серии што се емитуваат на Нетфликс, The Protector, Confrontation, The Way We Are и 50m².

Енгин е познат по тоа што својот приватен живот се труди да го чува колку е можно подалеку од очите на јавноста и се труди кариерата да ја изгради со напорна работа и труд, без скандали.

Во март годинава, папараците во Турција го уловија со две жени во автомобил, па се обидоа да ја прошират приказната дека тој наводно има врска со сопругата на негов близок пријател, која се криеше додека ја фотографираа, на што актерот одговори:

„Едната жена ми е блиска пријателка, а другата е сопруга на мој близок пријател, морам да ви појаснам кога веќе ме следите.“

Б. С. Б. | Црнобело/

фото: posta.com.tr/ Инстаграм