Потресен вирален статус од Србија: „Влезе во својата училница. Не се врати дома од училиште. И нема да се врати никогаш“
- Детали
- четврток, 04 мај 2023
„Уште само 5 минути. Потоа стана, ги изми забите и го спакува сендвичот, кој мајка ѝ го направи. Нејзиниот омилен. Влезе во своето училиште, во својата училница, седна во својата клупа. Со своите другарчиња...“
Од вчера (03.05) Србија ги живее своите најмрачни денови. Цел регион го потресе веста дека седмоодделенец во белградско училиште уби 8 соученици и еден возрасен.
На социјалните мрежи осамнаа низа потресни статуси, но еден се споделува вирално.
Емотивниот вирален статус од Србија:
„Уште само 5 минути. Потоа стана, ги изми забите и го спакува сендвичот, кој мајка ѝ го направи. Нејзиниот омилен.
Влезе во своето училиште, во својата училница, седна во својата клупа. Со своите другарчиња.
Гласот сè уште ѝ бил утрински засипнат, не стигнала да раскаже каде била за 1-ви мај. Не го изела ниту сендвичот.
Не се вратила дома од училиште. И нема да се врати никогаш.
И навистина не ми е грижа каде погреши системот. И како да е важно кој е виновен. Ако ти е потребен одговор...
Еве го.
Пред да почнеш да вперуваш прст во другите, може сепак прво треба да го ставиш на чело.
И да го прашаш оној малиот молчеливиот од соседството каков му беше денот. И на неа да ѝ кажеш како феноменално ѝ стојат очилата со диоптрија. И кога дете ти раскажува што му се случило, ти навистина да го слушаш.
Затоа што сè ќе биде во ред. Сè додека еден ден не биде“.
Прочитајте и Вирален статус на Македонец по грозоморниот чин во Србија: „Само продолжете да ги славите криминалците и ‘Задруга’“
С. С. | Црнобело/ фото: depositphotos.com
Би можело да ве интересира:
Препорачуваме
Најчитани неделава
