10 грешки кои ги прават повеќето луѓе кога купуваат нов автомобил

Не пресудуваат дали им е важен престижот на автомобилот или техничките карактеристики

Ако ви дозволува приходот и ако автомобилот треба да говори за вашиот социјален статус, тогаш одберете некој од врвна класа.

Во сите други случаи фокусирајте се на техничките карактеристики и цената.

Не го проверуваат автомобилот детално

Кога купувате автомобил не се потпирајте комплетно на зборовите од продавачот. Без разлика колку е способен, тој има личен интерес да ви го продаде автомобилот и сигурно нема да ви ги посочи недостатоците.

Затоа пред купувањето, соберете колку што е можно повеќе информации за тој модел, консултирајте се со независен специјалист и задолжително направете тест возење.

Ги прескокнуваат акциите и попустите

Најдобро време за купување автомобил е од декември до март. Во овој период се најголемите попусти и специјални понуди.

Исто така, автомобилите купени на крајот на годината често имаат пријатен бонус и одговараат во поглед на опремата на моделот од наредната година, а се поевтини.

Не се обидуваат да ја симнат цената

Кажете дека имате понуда од друга компанија која ви нуди сличен, но поевтин автомобил, одолговлекувајте и така обидете се да ја симнете цената.

Конкуренцијата кај автомобилските компании е голема и ова е добар начин да заштедите пари.

Брзаат со купувањето

Избрзаната одлука може да ви донесе низа негативни последици, затоа не брзајте со купувањето на автомобилот. Потрошете доволно време на собирање информации, консултирајте се со луѓе кои купувале неодамна, тестирајте го автомобилот и споредете ги предностите со недостатоците.

Исто така, ако сакате да разгледате некој автомобил појдете во салонот на крајот од работното време кога нема толку вработени и преголемо внимание врз вас и детално разгледувајте.

С. С. | Црнобело