Верица од Струмица вежба фитнес на шипка: „Има негативни коментари, но ова е спорт кој бара голема подготвеност“

Дали танцуваш и на високи потпетици? Дали е тоа потешко или нема никаква разлика?

Танцувањето на високи потпетици е исто дел од Pole fitness, но спаѓа во категоријата Exotic Pole.

Сум пробала, но не танцувам со високи потпетици, бидејќи уште сум во фаза каде што учам.

Има ли машки што тренираат танц на шипка?

Pole fitness е спорт за секој што сака да го проба, без разлика дали е машко или женско.

Во студиото кај што тренирам има и машки и женски, а поделени сме во групи од почетници до напредни.

Има навистина голема мотивација меѓу сите нас.

Можам да кажам дека таму запознав многу луѓе кои ми станаа пријатели и кои ми се многу голема поддршка, а исто и јас на нив.

И тоа е една од работите што ги сакам и ме исполнува кога одам на тренинг, токму таа дружба и енергија.

Дали би сакала еден ден да станеш и инструктор?

Секако, иако е уште рано за тоа. Јас би сакала еден ден да станам инструктор и да можам сето тоа што го научив и го учам да го пренесам на другите.

Желбата и амбицијата се тука, а сè друго е прашање на време и трпеливост за да се дојде до тоа ниво.

Колку музиката е важна при тренинзите? Која ти е омилена песна за тренинг?

Музиката за време на тренинг е исто така многу битна и имам повеќе песни кои ми се омилени за вежбање, но тоа најчесто зависи од самото расположение и од тоа каква музика сакам да слушам во моментот.

Колку вежбањето на шипка влијае на подобрувањето на самодовербата кај девојките и момците?

Вежбањето на шипка најмногу ја зголемува самодовербата на еден човек, посебно за девојките кои гледајќи си го телото во огледало за време на тренинг ја изразуваат својата женственост.

Дали некои девојки/момци мислат дека е претешко за нив и по кратко време се откажуваат од тренинзите? 

Многу од оние што кои се запишуваат, по 1-2 месеци се откажуваат затоа што мислат дека е претешко и дека не можат да направат ниедно движење.

Многу од нив доаѓаат со помислата дека уште првиот или вториот месец ќе можат да направат многу работи, сфаќаат дека не е така и се разочаруваат.

Затоа, пак, ќе се вратам на тоа дека овој спорт бара многу трпеливост и дека работите тука се случуваат „бавно ама славно“.

Ништо не доаѓа преку ноќ. Има денови кога ќе можеш да направиш сè, има денови кога едноставното и најлесно движење ќе ти биде најтешко.

И тоа е во ред, секогаш треба да си го слушаме телото.

Постојат ли натпревари во танц на шипка кај нас и на светско ниво? Имаш ли учествувано?

Постојат натпревари во Pole fitness, но кај нас не се одржуваат.

Има во други земји и досега немам учествувано, но тоа е една од моите желби за во иднина.

https://www.instagram.com/reel/C1ZVVHjrwUI/

©CRNOBELO.com Забрането преземање и копирање. Крадењето на авторски текстови е казниво со закон.

А. Ј. | Црнобело