Опасности поради кои веќе никогаш нема да ставите мраз во пијалакот

Нема ништо поубаво од тоа во топлите летни денови кога сакате да се одморите седнати на тераса или во омиленото кафуле и да нарачате пијалак за освежување со многу мраз.

Колку и да звучи примамливо, токму тие коцки кријат нешто опасно, поради кое треба добро да размислите дали навистина го сакате во својот пијалак.

Мувла

Можеби најголем проблем е мувлата која настанува во машините за мраз, но и кога замрзнувачот постојано се отвора и затвора, а влажните места го поттикнуваат размножувањето на габички и мувла. Дури на 10 % од мразот се наоѓаат остатоци од мувла и кандида.

Бактерии

Доволно е мала количината на контаминирана вода за мразот да биде загаден. Често тоа се мали количини микроорганизми кои не можат да предизвикаат поголеми здравствени проблеми, но во некои примероци е пронајдена и Ешерихија коли, хеликобактери и листерија.

Доколку сами си го правите мразот по секоја употреба добро исушете го садот па повторно употребете го, за да ја намалите можноста од зарази.

Фекалии

Многу луѓе не се ни свесни за лошата хигиена и опасноста која таа ја носи со себе. Ако барменот не ги измил рацете, а го фатил мразот за да ви го стави во чаша, вие нема да забележите и нема да бидете свесни за опасноста која се наоѓа во коцката мраз.