Рутина за детоксикација на организмот која ќе ви ја врати енергијата

Со затоплување на времето, самиот организам нè тера да го детоксицираме сè она што претходниот период се насобрало во него.

Доколку не го направиме истото може да се чувствуваме омалаксано, уморно и безволно што би не спречувало во извршување на секоја активност во текот на денот.

Едноставно, ќе бидеме мрзеливи, непотребно, кога може да бидеме активни и да уживаме во топлите денови кои нè чекаат.

Доколку сакате да го детоксицирате својот организам, овај е планот кој мора веднаш да започнете да го следите.

Потребни ќе ви бидат 3 дена за негова реализација во кои ќе се храните здраво и лесно.

Придобивките кои следуваат од оваа детоксикација освен враќањето на вашата енергија се нормализација на крвниот притисок, подобрување на работата на метаболизмот, намалување на надуеноста на стомакот и ослободување на вишокот течности од телото.

Освен исхрана ќе биде потребно да внимавате на пијалаците, односно да не пиете сè што ќе ви дојде при рака.

Во следните 3 дена пијте голема количина вода, зелен чај и јаболков оцет.

Многу е важно да испиете половина литар до литар вода пред појадокот, а после него да ги комбинирате трите пијалаци во текот на денот.

Избегнувајте го млекото доколку сакате детоксикацијата да биде успешна, тоа го отежнува варењето на храната и поради зголемена консумација може да ја оштети флората на дебелото црево и да предизвика дијареа.

Во поглед на оброците избегнувајте тешка храна која наместо детоксикација ќе внесе дополнителни непотребни материи во телото.

Јадете исклучиво салати и супи кои добро ќе му дојдат на вашиот метаболизам, посебно доколку вметнете кромид и моркови во нивната подготовка.

Никако не заборавајте да вметнете и маслиново масло во исхраната, како и коктели направени не само од овошје, туку и од зеленчук.

Запомнете тие се енергетска бомба за телото која заситува и прави да се чусвтвувате лесно преку цел ден.

Најчесто консумирајте го зеленото смути два пати на ден, правејќи го по сопствен рецепт кој вклучува киви и спанаќ.

Доколку ја применувате само 3 дена оваа рутина за детоксикација веднаш ќе забележите промена во вашето тело, ќе се чусвтвувате поздраво и полесно, а воедно и поенергично.

После третиот ден сами ќе почувствувате желба да ја продолжите рутината.