Готови за 20 минути: Чоколадни кифлички со лешници

Веќе на сите низ глава ни се мотаат празнични рецепти, а откако еднаш ќе ги пробате овие слатки кифлички со лешници и чоколадо, ќе ги подготвувате на секоја прослава и собиранка.

Со оглед на тоа што се прават за 20 минути, може да ги подготвите дури и кога сте во брзање.

Потребни состојки:

• 200g брашно
• 70g кафеав шеќер
• 2 лажици какао во прав
• ½ лажичка цимет
• Малку сол
• 1 лажичка прашок за печиво
• Вода
• 60g маслиново масло
• 30g лешници
• 50g темно чоколадо

Подготовка:

Лешниците и чоколадото исечкајте ги крупно.

Сите суви состојки ставете ги во длабок сад и промешајте, па додадете ги водата и маслото лажица по лажица, додека смесата не се формира.

На крајот додадете ги лешниците и чоколадото.

Од смесата обликувајте полумесечинки и печете 15-тина минути на 80 степени.

Послужете со топол чај, млеко или кафе. Уживајте!

М. Д. | Црнобело