Печени бомбици од компир со растопен кашкавал и пршута

Ако сте љубител на секакви јадења од кои се тегне растопен кашкавал, овој рецепт мора да го пробате.

Пире од компир полнето со кашкавал, пармезан и пршута, смотано во бомбици од кои ќе си ги излижете прстите.

Тешко дека на некој нема да му се погоди рецептот, а со сигрност ќе ви стане омилен.

Потребни состојки:

• 400 g сварени компири
• 70 g пармезан, рендан
• 80 g пршута, сечкана (или салама по избор)
• Магдонос
• Сол и бибер
• Парчиња кашкавал или моцарела сирење колку што ќе има бомбици
• 1 јајце, изматено и презла (за потопување и валкање на бомбиците)

Начин на подготовка:

Потребно е да направите пире од компир и да ги измешате во него сите состојки освен моцарелата (или кашкавалот), да направите бомбица, а внатре да вметнете парче моцарела или кашкавал.

Потопете ги бомбиците во изматени јајца, па во презла и ставете да се печат на 190˚С, 25 минути.

М. М. | Црнобело