Киндер колач без печење, готов за 20 минути

Овој колач е еден од оние „брзински“ за кога ви треба спас во последен момент, а немате време за торти со филови.

Сладок е, се топи во уста и има и бело и црно чоколадо.

За да го направите ви требаат 20 минути, а за да го изедете веројатно двојно помалку.

Потребни состојки:

• 300g шеќер
• 100ml вода
• Половина коцка маргарин
• 200g млеко во прав
• 100g црно чоколадо
• 100g бело чоколадо

Подготовка:

Шеќерот ставете го во водата и загревајте. Додадете го маргаринот. Кога ќе добиете еднолична течност, тргнете од ринглата и додадете го млекото во прав. Најдобро е да го просеете низ цедалка за да нема грутки.

Смесата поделете ја на 2 дела – во едниот ставете го растопеното бело чоколадо, а во другиот црното чоколадо.

Ставете ги смесите во подмачкан калап за ролат, една над друга. Ладете неколку часа.

М. Д. | Црнобело