Рецепт за лажна баклава, готова за 30 минути

Кога сакате баклава, прво ќе помислите на целото време кое треба да го вложите, трудот и материјалот кој ви е потребен, па големи се шансите да се откажете од идејата.

Ако и вие спаѓате во групата на луѓе кои сакаат нешто брзо и вкусно, ви предлагаме колач кој се прави за 30 минути, а има многу сличен вкус со традиционалната баклава.

Потребни состојки:

• 4 јајца
• 2 шолји од по 2dcl шеќер
• 1 шолја масло
• 1 шолја млеко
• 1 шолја гриз
• 1 шолја брашно
• 2 шолји мелени ореви

За прелив:

• 0,5l вода
• 2 шолји шеќер

Подготовка:

Изматете ги јајцата со шеќерот додека не добиете пена, па додадете ги останатите состојки. Добро промешајте да нема грутки. Префрлете го тестото во тепсија и печете 20-30 минути.

Жешкиот колач прелијте го со шербет кој ќе го направите од водата и шеќерот.

Послужете со рендани мелени ореви и по вкус украсете со половинки ореви.

М. Д. | Црнобело