Направете вкусно домашно песто по италијански рецепт

Пестото е традиционален италијански сос кој потекнува од Џенова.

Иако денес постојат голем број на најразлични варијанти на овој вкусен сос, сепак, најпознат е оригиналниот песто сос со босилек – „Pesto alla Genovese“.

Неговата подготовка е навистина лесна и едноставна, а и не одзема многу време, па така отсега можете слободно да го подготвувате сами.

Состојки:

• 150 g свеж босилек
• 100 g пињоли
• 200 ml маслиново масло
• 50 g пармезан
• 3 чешниња лук
• сол и бибер

Начин на подготовка:

1. Исечете го лукот на мали парченца. Пињолите може да ги пропржите на умерен оган (без масло), додека не добијат златно-кафеава боја и потоа тргнете ги настрана да се изладат. Босилекот исечкајте го на покрупно.

2. Во блендер ставете ги лукот, ладните пињоли и босилекот, а маслиновото масло додадете го на самиот крај.

3. На крај изрендајте пармезан и додадете сол и бибер по желба. 

М. С. | Црнобело