Викенд рецепт: Летна мусака со компири и спанаќ
Наместо класичната мусака приготвена со месо и компири, направете нешто поинакво - летна и лесна варијанта со спанаќ.
Ако немате идеја што да подготвите за ручек овие денови, можеби треба да го пробате овој рецепт за мусака без месо.
Потребни состојки:
- 1kg компири
- 350g спанаќ (ако нема свеж, може и замрзнат)
- 1 морков
- 2 чешниња лук
- 2-3 лажици масло
- 2 лажици брашно
- 300ml млеко
- 250ml павлака за готвење
- 50g путер
- По вкус сол, бибер, морско оревче
- 100g кашкавал
Начин на подготовка:
- Излупете ги компирите и исечете ги на тенки тркалца, па варете ги во вода со малку сол додека да омекнат.
- Во тава за пржење ставете го путерот, а кога ќе се растопи, ставете ги лукот и ренданиот морков.
- Кога ќе омекнат, додадете ги брашното, млекото и павлаката за готвење за да направите бешамел сос.
- По неколку минутки, кога сосот ќе почне да врие, додадете ги исечканиот спанаќ и зачините.
- Во подмачкан плех, најдолу ставете еден ред компири, малку преклопени (како во видеото).
- Преку нив ставете половина од бешамел сосот, а врз тоа половина од кашкавалот, кој претходно сте го изрендале.
- Потоа повторете ја постапката уште еднаш со остатокот од компирите, бешамелот со спанаќ и кашкавалот.
- Печете во загреана рерна на 200 степени Целзиусови околу 30 минути.
Видео постапка:
А. Ј. | Црнобело
Би можело да ве интересира:
Вкусни домашни чорбести јадења за 5 дена во неделата
Пет рецепти за највкусните домашни јадења кои сигурно ви ги правеле дома, а преп...
Лиснати погачици со сладок крем и вишни
Ова слатко лиснато задоволство е совршено за појадок или ужинка. Дали би го проб...
Вкусен викенд појадок - потпечена тортиља со спанаќ и кашкавал
Богатство од вкусови за совршен викенд појадок кој се подготвува за 30-тина мину...
2 рецепта за посното мени на Свети Никола што може да ги подготвите и во последен миг
Рибата можете да ја испечете во Air Fryer, а во компир салатата да додадете и ма...
Рецепт за путер колачиња со рум од кои ќе замириса целиот дом
Денес ви прикажуваме еден супер лесен рецепт за путер колачиња со рум.
Лесен ...
Рецепт за посни колачи во форма на праски – омилениот десерт од детството
Идеални за посниот период - можете да подготвите поголемо количество, а никој не...
Препорачуваме
Најчитани неделава
