После ова сите ќе сакаат венчавка во облаци

Детали

петок, 03 октомври 2014

Принцезата Латифа од Дубаи, која е дизајнерка на ентериери за својата венчавка соработувала со фирмата DesignLab Events за да ја организира и уреди својата венчавка од соништата во спектакуларен стил.

Главната тема според која била уредувана салата е „Луцидниот сон“. Заедно создале нешто што може да се опише како сценографија надвор од овој свет, атмосфера која ќе ве натера да се почувствувате како да сте во облаци или во некој магичен сон.

Целиот плафон е исполнет со 15.000 светлечки стапчиња, 65.000 Swarovski кристали 4.000 хартиени оригами, сето тоа организирано во огромна инсталација над масите.

Уметниците Енди Као и Хавиер Перот смислиле облак изработен од Swarovski кристали кој бил и главна инспирација за целата инсталација.

Од мрежест материјал и останатите кристали направени се другите декорации од кои излегуваат светлечките стапчиња, а летечките оригами се поврзани така да изгледаат како да летаат низ облаците.

Покрај беспрекорно уредената сала за сите гости со екстравагантни свечени маси, оркестарот кој бил задолжен за музиката, свеченото отворање со специјална танцова група и деликатесите, ефектот кој се добил дал вистинска доза на магија во венчавката каква што доликува на една принцеза.

Погледнете како изгледа сето тоа однатре: