Цвеќиња кои се идеални за малите станови

Многу луѓе сакаат домот да им биде украсен со билки и така да добива природна свежина, но поради бројните обврски или малите станови не се одлучуваат за овој вид на декорација на просторот.

За среќа, постојат цвеќиња и билки кои не бараат многу време и внимание и совршено се вклопуваат во малите домови.

Англиски бршлен

Ако во станот имате полици, ова цвеќе е одличен избор за вас. Бршленот иако е отровен, поради необичните карактеристики, тој станал симбол на љубовта и пријателствата. Зошто да не ја покажете топлината на вашиот дом со ова цвеќе?

Филадендрон

Спаѓа во групата на декоративни ползавци кои одлично трпат живот во затворени простори, како што се становите или канцелариите. Не бара многу светлина, па можете да го поставите било каде во вашиот дом.

Фикус еластика

Ова е една од најпознатите видови на фикус кој го има во речиси секој стан и кој е прилично едноставен за одгледување и не бара многу труд и време од ваша страна.

Свекрвин јазик

Сансевијеријата на Балканот позната е како Свекрвин јазик, а претставува посебно добро растение за прочистување на воздухот па најдобро е да ја чувате во вашата спална соба.