9 идеи за креативни есенски проекти со децата

Искористете ги предностите на есенските денови - лисја во златни и бакарни нијанси, костени, шишарки, желади...

Есенските плодови се насекаде, а веројатно дечињата им се радуваат на секое излегување. Тогаш зошто да не ги внесете во домот преку забавни, креативни есенски проекти?

Вклучете ги најмалите и изработете ремек дела:

1. Декорации од тесто

Замесете солено тесто од ½ шолја сол, 1 шолја брашно и ½ шолја вода. Измешајте ги состојките и од добиеното тесто правете солени колачиња со модли. Печете 2-3 часа, а потоа бојте по желба.

2. Негатив од есенски листови

Наредете неколку собрани листови на бел хамер, а потоа околу нив бојте со водени или темперни боички.

3. Есенски колаж

Тука треба само да ја вклучите креативноста и да се снабдите со есенски листови и плодови.

4. Висечка есенска декорација

Со помош на обично капаче од тегла, неколку кончиња, листови и монисти лесно може да ја направите оваа висечка декорација и да ја закачите на влезната врата или во детската соба.

5. Скапоцени камчиња од желади

Одвојте го плодот, а капчињата кои ќе ви останат обојте ги од внатрешната страна.

6. Маска од есенски листови

Земете мерки и од еден лист направете обична подлога за маската. Потоа лепете листови по желба.

7. Ежиња од шишарки и пластелин

Разиграјте се и вклучете ја умешноста на рацете. Ви требаат само неколку шишарки и пластелин во 2-3 бои по избор.

8. Гасеница од костени

На обично јаже или коноп нанижете костени дупнати во средината. На последниот нацртајте или залепете очи и добивате гасеница.

9. Цртежи од листови