Манго означува страст кон некоја личност. 

Што значи да сонувате манго?

Соништата во кои овошјето манго се појавува како важен субјект, честопати се знак на сексуални желби и страсти, а во некои случаи може да значат и разни варијации на добри чувства што ќе ги доживее сонувачот или што веќе ги доживува. Во ретки случаи, манго означува жал и тага пред вас.

Ако сонувате дека јадете манго

Соништата во кои јадете слатко манго се одраз на сексуалната страст за некоја личност. Најчесто, во соништата во кои јадете манго ќе стоите пред личност која особено ви се допаѓа, или дури ќе го јадете овошјето заедно со неа.

Тоа е очигледен знак дека имате голема еротска желба со таа личност, но на јаве не знаете како да ѝ го изјавите тоа. Овој сон е одраз на вашата желба, но не е и гаранција дека вашата симпатија ве гледа на ист начин.

Ако сонувате дека делите манго со некого

Ако сонувате манго што го делите со некоја личност, најверојатно сте во врска со таа личност или сакате да бидете. Ако веќе сте во врска со неа, немате причина да се грижите, вашата врска е цврста, а сексуалните желби што ги негувате од двете страни ја прават уште посилна.

Ако делевте манго со личност со која не сте во врска, многу е веројатно дека, на крајот, ќе бидете со таа личност, сите можности се на ваша страна, а на вас е само да одиграте вистински потези.

Ако сонувате дека некој ви краде манго

Кога сонувате дека уживате во слаткиот вкус на манго, но се појавува некој што ќе ви го одземе, тоа е знак дека вашата љубовна врска е разнишана и дека претстои борба за одржување на врската, која многу лесно можете да ја изгубите. Ако вашата љубов ви го одземе плодот од манго, тоа е оној за кого оваа врска веќе не е доволна и бара начини да се извлече од неа.

Ако некој непознат ви зема манго од раце, веројатно е во прашање трета личност која се труди да ја привлече вашата љубов кон себе. Ќе мора да вложите многу труд за да ја задржите саканата личност покрај себе.

Ако сонувате дека имате (или јадете) манго што почнало да скапува

Сон во кој држите или јадете манго што е веќе презреано, почнува малку да скапува и добива кисел вкус, означува заситување во вашата врска или брак. Киселиот вкус го симболизира чувството на испразнетост во врската, но ако е само малку кисело, а плодот не е целосно расипан, туку само омекнат, постои голема шанса да ја спасите  вашата љубовна врска.

Повторно, потребен е напор, а некои работи мора  суштински да ги промените, но надежта за спас сè уште е присутна.

Ако берете манго во сон

Ваквите соништа најчесто се знак дека вашите желби се далеку од вашите можности. Без разлика дали станува збор за желба за љубов, секс или желби поврзани со деловни цели, најверојатно сте одлучиле да пробате нешто, за што и самите знаете дека тешко дека можете да успеете.

Смирете ги своите страсти, и размислете за своите желби, понекогаш она што веќе го имате е сосема доволно за да ве направи среќни.

Ако сонувате дрво од манго

Сонување дрво од манго често е знак дека имате поддршка од својата околина во сè што ќе допрете. Вашето семејство, фамилија и пријатели гледаат во вас голем и добар човек, тие знаат дека сакате само добро за секого и немаат потреба воопшто да ги објаснуваат вашите постапки и желби.

Тие се тука за вас и ви веруваат слепо, затоа внимавајте да не ја злоупотребите таа доверба.

Дефиниција за манго

Манго е егзотично растение од тропски и суптропски краеви, со потекло од Индија, со плодови со исклучително сочен и сладок вкус. Тој е одличен извор на корисни хранливи материи, обожаван во исхраната и народната медицина.