Гледање: измама, кражба, непотребни трошоци; убивање или тепање: имаш еден непријател помалку, неверство; сонување црна мачка: несреќа, опасност; да мјаука: непријатни настани; со мачиња: беда, несреќа; бела: чувај се од ласкавец; да те гребе или гризе: непријатни доживувања; јадење месо од мачка: развод; галење, хранење: добрината ти се враќа со неблагодарност.

Што значи да сонувате мачка?

Соништата за мачки се многу чести, спаѓаат меѓу 20 најсонувани соништа, а мачката е најчестото животно кое го сонуваме по кучето.

Ако гледате мачка во сон

Ако во сон гледате мачка, тоа укажува дека ќе имате непотребни трошоци. Можно е да не бидете реални во врска со вашата финансиска ситуација и да купувате работи кои во моментов се луксуз за вас. Нема да се водите сметка за парите што ги имате на располагање, па може да се случи да останете без пари во средината на месецот.

Ако сонувате дека тепате мачка

Сонување дека тепате или убивате мачка подразбира дека ќе имате еден непријател помалку. Веројатно ќе исфрлите од игра личност која ви се замерила на деловен или на приватен план, обидувајќи се да присвои нешто што е ваше. Ќе се обидете со убави зборови да го/ѝ привлечете вниманието да се откаже, но кога не може со убавина ќе може со сила.

Ако сонувате црна мачка

Кога во сон ќе видите црна мачка, тоа значи дека немате причина да се грижите. Вие сте суеверна личност која избегнува да седи на работ на масата, да го сврти лебот наопаку и сл. затоа што замислувате дека нешто лошо ќе ви се случи ако го направите спротивното. Се случува и да ги оптоварувате другите со потенцијални опасности што можат да им се случат и често проверувате каде се и што прават.

Ако сонувате шарена мачка

Личност која има неискрени намери сама ќе се разоткрие, а од вас ќе зависи дали ќе ѝ дозволите да ви напакости.

Ако сонувате бела мачка

Ако во сон гледате бела мачка, тоа е предупредување да се чувате од ласкавци. Веројатно и во вашата околина постојат луѓе на кои им е полесно да им удоволуваат на сите и да го кажат она што другите сакаат да го слушнат. На тој начин тие не се замеруваат со никого, но им нанесуваат штета на оние што ги слушаат затоа што стануваат субјективни и чувствителни на критика.

Ако сонувате жолта мачка

Сонот за жолта мачка ја означува љубомората на саканата личност. Љубомората може да биде и пријателска и љубовна.

Ако слушнете мјаукање на мачка во сон

Доколку во сон слушнете мачка да мјаука, тоа предупредува на непријатни настани. Може да се случи да имате конфликт со личност која ќе сака да ги изнесе вашите  валкани алишта пред јавноста. Ќе ве стави во непријатна ситуација и ќе бара  нешто што не сте во можност да го исполните, во замена за молчење и преправање дека никогаш не сте се запознале.

Ако сонувате мачор во сон

Премногу сте себични. Би требало да обрнете внимание на најблиските луѓе и да направите нешто убаво за нив.

Ако сонувате мачка и мачиња

Сонувањето мачка со мачиња означува беда, напаст. Можно е да примите луѓе во вашиот дом кои имаат финансиски потешкотии во желба да им помогнете. Меѓутоа, ситуацијата ќе излезе од контрола, така што ќе мора да заборавите на вашата приватност, мир и време за одмор. Договорот што го направивте нема да биде почитуван, така што ќе останат кај вас многу подолго отколку што предвидовте.

Ако сонувате дека ве изгребала мачка

Сонување дека мачка ве изгребала означува дека ќе бидете непријатно изненадени. Може да се случи личност која секогаш била љубезна и срдечна со вас, да покаже друго лице и да ве нападне без очигледна причина.

Ќе побарате од него/неа  објаснување за таквата постапка и ќе сметате дека со ништо не сте го заслужиле третманот што сте го добиле. Може да се појават семејни проблеми, како, на пр., поделба на имотот каде што секој ќе инсистира на решавање на ситуацијата во негова корист.

Ако сонувате дека јадете месо од мачка

Кога во сон јадете месо од мачка, тоа означува развод или дека имате проблеми во бракот или врската. Можно е вие или вашиот партнер да не бидете задоволни од атмосферата во вашиот брак, поради што ќе се вмеша и трето лице. Ќе забележите дека нешто чудно се случува, но за да го зачувате семејството ќе ви треба многу труд и желба да ги надминете несогласувањата.

Ако сонувате дека галите мачка

Доколку во сон галите мачка, тоа подразбира дека добрината ви се враќа со неблагодарност. Веројатно некому сте му излегле во пресрет, затоа што, од една страна, сте дарежливи, а од друга страна, очекувавте помош за нешто што ви е потребно. Меѓутоа, вие ќе излезете негативец во целата приказна, поради што ќе ги земете работите во свои раце и ќе расчистите со оние кои не ви одговараат.

Ако сонувате мртва мачка

Ако сонувате мртва мачка, тоа може да биде показател за опасност. Ќе мора внимателно да преминувате улица. Ќе имате проблеми ако зборувате на телефон или слушате музика додека возите.

Ако сонувате само мали мачиња без мачка

Ќе слушнете вести кои тешко ќе ги прифатите. Иако се појавуваат проблеми и искушенија, позитивниот став и победничкиот менталитет кои се ваш заштитен знак ќе ви помогнат.

Ако храните мачка во сон

Ако во сон храните мачка, тоа предупредува дека ве очекуваат непредвидени трошоци што нема да можете да ги избегнете. Иако ќе имате помалку пари поради тоа, голема утеха е што образот ќе ви остане чист и неизвалкан.

Ако гледате повеќе мачки во сон

Веројатно има луѓе во вашето опкружување кои на сите ваши потези реагираат со одобрување. Иако ви годат нивните комплименти, ќе почувствувате потреба да слушнете искрено мислење од некој што сигурно ви посакува добро.

Ако сонувате сијамска мачка

Една личност особено ве почитува, не земајте ја здраво за готово.

Ако сонувате персиска мачка

Една личност многу се потпира на вас и безбедноста што ѝ ја влевате ѝ значи многу.

Значењето на сонот може да биде поедноставно. Ако неодамна сте виделе, галеле, тепале или сте слушнале мачка, тоа сигурно ви оставило впечаток.

Дефиниција за мачка

Мачка е животно, мал месојад, цицач од фамилијата Felidae, кое многу луѓе го чуваат дома како домашно милениче.