Најдобрите европски филмови за 2015-та година

2015-та година беше навистина плодна година за европската филмографија. На листата најдобри европски филмови можете да сретнете филмови од Грција, Франција, Унгарија...

Ова е листа на најдобрите европски филмови, снимени во 2015 година:

The Lobster (Грција) – Yorgos Lanthimos

Yorgos Lanthimos е еден од најголемите творци во новата европска кинематографија. Она што тој го создава не е само апсорбирање на приказната, туку и опишување на вознемирувачката и бизарна реалност.

Овој филм е деби на грчкиот режисер, односно прв филм снимен на англиски јазик. Приказната зборува за љубов, осаменост и суровост. Се работи за мрачна романтична и социјална сатира со мала доза на црн хумор.

Youth (Италија) – Paolo Sorrentino

Ова е вториот филм на англиски јазик на италијанскиот режисер Паоло Сорентино. Добитник е на Европската награда за најдобар филм, а беше номиниран и за Златен глобус.

Приказната се одвива во одморалиште во Алпите, каде пензиониран британски диригент Фред Ballinger (Мајкл Кејн) го поминува својот летен одмор. Оваа едноставна приказна за сенилност и младост е преполна со референци за поп - културата и познати личности. Најважниот аспект на филмот е визуелниот ефект, прекрасните локации и употребени бои.

Son of Saul (Унгарија) – Laszlo Nemes

Ова е извонреден дебитантски филм создаден од 38-годишен унгарски режисер. Се работи за емотивно интензивна приказна за болката на преживеаните во холокаустот.

Филмот беше премиерно прикажан на 68-от Кански фестивал каде што освои Гранд При награда. Ова воедно беше и првиот унгарски филм кој ја освои наградата Златен глобус за најдобар странски филм.

Victoria (Германија) – Sebastian Schipper

Викторија е голема победа на германската кинематографија. Овој филм ве води на специфично патување низ Берлин. Техничките аспекти на филмот се навистина импресивни и го одземаат здивот, но најголемата предност на овој филм е перформансот на Costa и Frederick Lau.

Love (Франција) – Gaspar Noe

Се работи за драма напишана и режирана од контроверзниот француско - аргентински режисер Gaspar Noe - авторот на познатите филмови „Irreversible“ (2002) и „Enter The Void“ (2009).

Филмот ја раскажува приказната на Марфи - млад американски фотограф кој живее во Париз и неговата романса со девојка - Електра. Еден ден тие решаваат да бараат возбуда со поканување на нивниот сосед во кревет. Не се ни свесни дека овој акт ќе им го смени животот засекогаш.

Живописните бои, меко и интимно осветлување со интересни блиски кадри на гледачите им овозможуваат да чувствуваат екстаза, заедно со филмските ликови.

М. А. | Црнобело