Што е кето диета, колку е безбедна и кој не смее (ниту да помисли) да ја држи?

Со кето диетата може да се загубат и до 20 килограми во 2 месеци и стана популарна затоа што овозможува да консумирате храна колку сакате, а да слабеете. Но, кои се негативните ефекти што треба да ги знаете пред да почнете да ја држите оваа диета?

Во последните неколку години во светот сѐ поголем замав зема таканаречената кето диета, која се прослави токму заради тоа што станува збор за план за исхрана со којшто не гладувате, а слабеете.

Станува збор за план на исхрана кој се базира на внесување ниско ниво на јаглехидрати и високо ниво на масти, па затоа ја споредуваат со аткинсовата диета.

Што е кетоза?

Оваа диета вклучува драстично намалување на јаглехидрати во исхраната и нивна замена со масти, заради што телото се става во посебна состојба на метаболизмот, позната како кетоза.

Кога ова ќе се случи, се верува дека телото (наместо јаглехидрати) почнува да ги согорува мастите за да добие енергија, а мастите се претвораат во кетони кои одат до црниот дроб и на тој начин обезбедуваат доволно енергија за мозокот.

За да се постигне ова, потребно е нивото на јаглехидрати во исхраната да се намали на 20 до 50 грама дневно, а да се консумира многу повеќе месо, риба, јајца, јаткасти плодови и здрави масла.

Се смета дека е потребно да се контролира и количината на внесување протеини кои може да се претворат во гликоза кога ги консумирате во големи количества, па тоа може да го забави процесот на кетоза.

Постојат одредени тестови на крвта и на урината што може да помогнат да се утврди дали телото го започнало процесот на кетоза, така што се мери нивото на кетони кои ги произведува организмот.

Главните симптоми и промени што може да ги почувствувате откако ќе влезете во кетоза се:

• Зголемено чувство за жед;
• Сува уста;
• Честа потреба за мокрење и
• Намалено чувство на глад или немање апетит.

Дали се слабее со оваа диета?

Се смета дека кето диетата е ефективен начин за да се загубат килограми и да се намалат ризичните фактори за појава на голем број болести.

Главната придобивка од овој начин на исхрана е тоа што го намалува нивото на шеќери во крвта и нивото на инсулин, а на луѓето најчесто им се допаѓа тоа што губат килограми без да бројат калории или да внимаваат премногу на количината на храна што ја внесуваат.

Исто така, се покажало дека може да го намали крвниот притисок и нивото на триглицериди во крвта.

Со оглед на тоа што таа била креирана за да им помогне на пациентите кои имаат болести поврзани со невролошкиот систем како епилепсија, се смета дека оваа диета е одлична во превентива и за: срцеви заболувања, рак, Алцхајмерова болест, Паркинсонова болест...

Освен што има големи здравствени придобивки, се смета дека со помош на кето диетата се слабее побрзо и побезбедно, па според некои тврдења, постои можност да загубите и до 20 килограми во 3 месеци.

Исто така, според нутриционистите, кето диетата е поефикасна од диетите со гладување кои имаат јо-јо ефект и често се случува луѓето брзо да ги вратат килограмите што ги загубиле.

На следната страница повеќе за негативните страни на диетата...