Строги правила што треба да ги следат гостите на Мет гала

Гостите не смеат да ја одбијат поканата

Секако, оние кои ќе ја одбијат поканата сигурно нема да бидат казнети, но треба да бидат свесни дека никогаш повеќе нема да бидат поканети.

„Знам луѓе кои одлучиле да не се појават бидејќи биле зафатени или не им се допаѓала темата.

Но, штом ќе ја одбиете поканата, веќе никогаш нема да бидете поканети, освен ако не сте некоја од најмоќните и најпопуларните личности“, има изјавено извор.

А, гостите кои ќе добијат покана, не треба само да се појават, туку треба да си ја платат и влезницата која чини од 50.000 долари нагоре, во зависност од местото на седење.

Поканетите гости можат да дојдат со непоканета личност, но само ако одобри Ана

Ако некој е поканет на Мет галата, може да донесе некој друг со себе. Но, само ако Ана Винтур го одобри тоа.

„Ана има целосна контрола. Никој не може да влезе на настанот освен ако не одобри таа.

Има легенда дека Ана е одговорна за листата со гости, но и за листата со гостите што ги носат поканетите гости“, има изјавено биографот на уредничката.

Социјалните мрежи се забранети

Штом се забранети телефоните, нормално дека се забранети и социјалните мрежи. Поради ова, тешко дека ќе видите Инстаграм Стори од некоја позната личност додека е на настанот.

А, веројатно гостите немаат ни време за социјални мрежи бидејќи секоја минута од настанот е испланирана.

Кога пристигнуваат, присутните позираат на црвениот тепих и даваат интервјуа.

Откако ќе влезат во музејот, има коктел забава, а гостите имаат можност да ја разгледаат изложбата.

Потоа има вечера, како и забавна програма.

Сите гости мораат да седат кога почнува забавната програма

За време на забавната програма, сите гости мораат да седат, без исклучоци. Јавноста дозна за ова правило благодарение на Ким Кардашијан.

Во 2019 година, ријалити ѕвездата се појави на настанот во многу тесен фустан. И, иако изгледаше одлично, воопшто не можела да седи во него.

Па, кога сите гости седнале, Ким продолжила да стои, по што Ана испратила некој да ја прекори и да седне.

Наводно, тогаш уредничката попуштила бидејќи Ким немала опција освен да стои.

И персоналот мора да следи строги правила

Ана Винтур сака сè да е „под конец“ на настанот, па ни персоналот не е ослободен од строги правила.

„Не дај боже некој од персоналот да е дебел или да не изгледа убаво – ќе го избркаат“, има изјавено еден од биографите на Ана Винтур.

Спирова С. | Црнобело